ENGLISH | 訂場熱線: 2137 2007 / 2137 2000 / 4007 007 148

找球篇

很多時候球手開球入了深草區而那里有没有樁,當然球手首先要打一個暫定球,然後先至去找第一個波,其實,當球手打左個波入深草區果一刻,應該要考慮或要有心理準備以下的可能性:

1. 球可能找不到

2. 球可以找得到而且可以免强打出來

3. 球可以找得到但完全打不了

4. 球可以找得到但免强打可能重衰多两錢重

在第一個情况,如果個波找不到的話,咁就冇辧法,一定要繼續打果個暫定球。

在第二個情况,球能找得到而且可以免强打出來,球手亦只是損失一杆而已。

在第三及第四個情况大家就考慮一下究竟找到個波着數抑或找不到個波着數!

請看下圖:

rule-11a

在此情况及地形,如果球手在深草區找到個波的話,佢就可以在洞與球位的無限延長線上抛球而且重可以直攻果嶺,所以找到球對球手必定有利,球手應盡力找球。

再看下圖:

rule-11b

在此情况,如果球手在深草區找到個波而可以免强打出來,咁都冇乜問題。

但如果球手找到個波而發覺個波完全打不了或者免强打可能重衰,咁其實都幾大鑊!

首先,當你找到個波果一刻,你果個無論開得幾好既暫定球都已經失效,如果你免强打而希望奇蹟出現,奇蹟通常都唔會在呢個時候出現既!

當然,你可以用ball unplayable條例去解困,但在以上的情况,無論你用两支杆長内或無限延長線上抛球都仍然要在深草區抛球,(有D球手以為罰左一杆就可以老奉咁在球道正中抛球,其實唔係架!) 在深草區抛球有可能變成另一個打不了地的球。如果你選擇不在深草區抛球,那你就要回去發球台再打,而再打的球亦不一定比剛才那個暫定球打得好。

大家怎不想想在此地理環境當你預計找到個波很可能仲咫j鑊過找唔到個波,何不直接上前打左個落在球道正中既暫定球又或者只是在深草區較佳既地方找找,如果在較佳既地方找不到,就唔好勉强再找啦,繼續打果個暫定球重除笨有精!

這里球手在還未找球之前需要就當前的情况作一個判斷:

打暫定球 — 已經損失左两杆,但肯定已經止左血。

找到球又能打出來 — 只是損失左一杆,這算是最理想的情况。

找到球但打不了或越打越衰 — 這個很可能會變成一個災難洞。

有一個常見既犯例情况係當D球手在深草找到個波之後,就不斷去清除,屈曲,折斷個波周圍D生長緊長草或雜草,其實咁樣做已經觸犯左Rule 13-2(要罰两杆) 因為球手正在改善他的揮杆範圍内的環境,除非球手咁樣做係為左fairly taking his stance。”Fairly taking his stance” 既意思係球手淨係做一D take stance 所需要做既事情去take stance,不能做一D不必要的事情,如果冇“fairly” 呢個限制,球手可以話我習慣在深草take stance要做十下掃膛腿熱身既,呢十下掃膛腿眯可以掃低嗮D長草,改善左個揮杆環境又唔駛罰杆?

你可能會話“我唔清除D雜草我根本都睇唔到個波,睇唔到個波怎麼打?”

冇錯,睇唔到個波係好難打,不過球例里面講明球手打波係没有必然既權利一定要睇得到個波既。

球例係你懂得越多,在某些情?它會為你設下更多限制或會令你打多幾杆,你可能會發覺一D球技稍遜于你既球友唔跟足球例打出來的成績比你還要好,但我個人認為跟足球例打既成績比冇跟足球例打既更有意義!

各位球手珍重!

高球BB