球場禮儀

好多人認為打高爾夫球最緊要係技術，其實007覺得重要係識得享受打波的樂趣同happy。

要做到令大家都能happy，球場上的禮儀就非常重要，希望各位大佬大姐睇完要切記! 唔好做一個不負責任的人，打球技術差唔係問題但冇禮貌就唔掂!

每個人打波都會有個開始，可能你係初學者或技術唔高但如你識 do，一樣受到球友歡迎，反而如你係一個不考慮球友安全同感受，成日發脾氣，就毋論你打波幾掂都冇用。話需如此，係場上仍然見到好多人唔守規則，真係冇癮兼無奈。

基本禮儀
– 落場打波，球會一般都會要求男子穿長褲或”長”的短褲，有領polo shirt (不可以穿T-shirt)，女仔就可以穿長短裙或褲。
– 在10分鐘前到達你已預定的發球點。
– 關掉手提電話及將傳呼機轉為不發聲。
– 其他球員發球及推桿時，停止一切可能影響球友發球的動作包括停止談話。
– 唔好經常重發球，打失可以係 Drop zone再開過。
– 打入長草就唔好花太多時間找尋失球。
– 儘量站在打球者的後方或視線範圍之外。
– 避免慢打！儘量跟貼前隊，行要快、打要慢，利用隊友打球的時間自已先作好準備點打同用邊枝桿。
– 果嶺推桿後，儘快插回旗桿及離開果嶺。
– 駕駛球車要用適合速度及注意球僮安全。
– 唔好將打斷的 tee或雜物如煙頭等掉在球場！

保護場地
– 修補你甚至他人在沙池留下的足印。
– 修補你的Pitch mark及唔可以踏到其他球友的推桿線(Line of Putt)。
– 留意你的影子是否在推桿者的視線範圍內。

小心安全
在前隊的球友遠離你的發球距離後，先開波 (相信你唔會為一兩分鐘而打倒人，後果可能非常嚴重！如前隊真的太慢，可以向Marshal投訴)。

如你的球飛出你的視線範圍或飛向他人的時候，千期唔好怕醜，一定要大聲叫Fore或看球，令人有時間走避。