ENGLISH | 訂場熱線: 2137 2007 / 2137 2000 / 4007 007 148

新手地帶

迎你準備加入我地呢班熱愛打高爾夫球的行列。 相信你未開始之前可能會唔明點解會有班傻佬,天都未光就起身,仲要穿洲過省,日唒雨淋咁去打場波?

不過當你有興趣打波之後,你就會完全明白同理解我地點解會咁樣,其實原因好簡單(因為可以撇低個老婆/女友成日囉!),可惜而家都好多(跟得夫人同靚女)都學打波!一於睇到實,遲D我地可能要學D高難度活動,唔通要跳傘先掂?

講完笑,其實返大陸打波最好安排坐球會提供的穿梭巴士,因為有時覺得在國內搭的士冇乜安全感,特別係上高速公路,見到D的士大佬,駕住架老爺車開到130-140 km(如果可以最好揀 部新車坐)一唔小心就好容易出事! 如果係咁你地千期唔好怕唔好意思一定要出聲, 仲有就係大部份司機都係外省人,如果你D普通話好似 我咁上下水準就最好帶定枝筆或更新GPD地圖。taxi

其實我在未打高爾夫之前,都好似你咁唔多明白D人咁有興趣去打一個唔識郁的波,亦斷估都唔會難得過會飛來飛去的網球同藍球?

當後來學打先知道原來咁鬼死難,十幾枝桿,又要什麼姿勢呀,set up呀,又要 chip shot,address,driver……等等, 唔好話打,淨係記住D名都頭暈。

咁都唔止,係練習場初學的時候唔單止連波皮都打唔到,仲連兩隻本來十分幼嫩的手都打到起唒水泡,真係冇癮。

到我學到有番上下(都成個幾月)就立即去book番場實戰一下,點知係練習場打得幾好都冇用,同真係落場完全兩件事!

可能大家係初學時都有個呢D難忙的經驗,就係成”鵬”人係發球區睇住你開波,而你就連個波都打唔到又或者將波打失,個種的心情真係用筆墨難以形容。之不過,當你撞彩打個好球,個種開心法又真係幾過癮,而你亦會完全忙記之前打得差的波。

後來我就開始研究同分析點解會在練習場打得唔錯,但落到場就亂哂籠呢?原來有幾個下列問題:1. 心情緊張(太多人睇實)
2. 用較難打的一號桿開波
3. 球場的地形有起伏而練習場就係平地,當你未能完全適應就會容易打失

希望記得要放鬆一下同將個打球姿勢配合一下地形,包你會打得好過以前。


ferry另外一樣都幾緊要就係記住返大陸,一定要出門之前 check下有冇帶回鄉証,因為上次有個朋友同我去打波,點知去到碼頭先知…..惟有返屋企! 佢仲請成日假,真係冇哂癮 🙁

另外,各位在國內時要特別小心財物,在人多時(關口及車站等)要留意小偷/扒手


HuangBus
落馬洲 – 皇崗返大陸打波好多時都會去落馬洲搭球會的穿梭巴士或黃巴士,駕車的可以停在附近停車場,停成日都係$100元,假日過夜就收$200左右。 (附近有D車場仲會平少少不過地方比較多沙塵同離開黃巴站遠些少)。

呢間就係我地通常在落馬洲黃巴站對面等人既地點 (茶水部),係到可以食個早餐先出發。
teahouse
唔識點去落馬洲車站可以參考下面路牌。

1. 行大埔公路(三號幹線)直至見到下面的路牌就要靠左行….用9A出口。

guide-1

2.跟住呢條路上斜路。

guide-2

3. 盡頭轉右。

guide-3

4. 轉左,行一分鐘就會到黃巴車站。

guide-4

圖解:

guide-map