我最近收到一些球友的電郵都不約而同地問一些相同而又常常遇到的問題，我便想到怎不以“一般常見球例問題” 為題才寫番兩嘴。 我謹此聲明以下所為“常見”只是以小弟有限的所見所聞歸納而來，如有異議，歡迎指教。
事例一
在一個很緊湊的比賽裏，球手甲在發球台開球，小白球落在球道右邊邊緣一兩碼的深草區，球道右邊邊緣沒有插任何的樁，球童說“應該找到的!”，球手沒有先打一個provisional ball便直奔往球道。球手及球童在球落的深草區找了五分鐘始終都找不到那小白球，由于賽情緊湊，該處又沒有樁，球手甲一想到要回去發球台再開球便大動肝火，“小丙”(=責罵)個球童“你又話個波應該找到既？ 搞到我要番T-台再打!!”
在“事例一”里，第一，球落在深草區而該處又沒有樁，如果你唔係好肯定個波一定找得到既話，你應該先打一個provisional ball，我強調，只要你自己本人有絲毫既懷疑，你都應該球先打一個provisional ball，以免真係找不到個波既時候咁大鑊！
第二，球手甲唔應該完全賴哂個球童！（或者根本就唔應該怪人）個波係你自己親手打失既，判斷打唔打provisional ball完全係球手既責任，唔係球童既責任，球童既意見或判斷只能作為參考，不應該過份依賴個球童。球例里寫明球手係要懂得球例既。不過，如果係醒目既球童就應該叫個老細打定個provisional ball先。
此外，一些打球多年的球友亦會對在那里drop ball有疑問, 尤其是紅樁和黃樁既分別，請看下圖：
第一球: 球手一般都會在”X”位置drop波，因為果度係紅樁，正常來說球手可以在“最後切入點”既兩支杆長內drop ball。
其實嚴格來講係唔得既，因為該”X”位置雖然在切入點的兩支杆長內，但係佢比“最後切入點” 較近旗杆，所以唔得。
咁你會話果個位置跟本冇一點比“最後切入點”遠于旗杆，難道要番轉頭再打？
呢個情況，如果你個對手係非常嚴謹既話，球手可以被要求番轉頭再打！呢個例子主要係說明“不能近于旗杆”係一個必要既條件。
不過，對于我地呢D打假期波既球友，既然果度係插紅樁，即係話球場設計者都係想讓你可以在兩支杆長內drop波，只要你對手同意，在那里drop波應該是可以接受的。
第二球: 球手唔可以在”Y”位置drop波因為果度係黃樁，黃樁既處理已經在以前文章提過，drop波果點一定要在“最後切入點”正後方的無限延長線上。
第三球: 球手唔可以在”Z”位置drop波既理由係果個切入點唔係“最後切入點”
其實上述三個情況都係要番轉頭再打，高爾夫球有陣時真係好殘酷既！
各位球手珍重！
高球BB