ENGLISH | 訂場熱線: 2137 2007 / 2137 2000 / 4007 007 148

如何處理在錯誤位置打球

我最近和一位球友打球,剛巧遇到在錯誤位置打球的情况,所以以此為題寫番一則球例。

其實在錯誤位置打球有两種情况,第一種情况係”嚴重犯例”,即該錯誤位置令球手有相當優勢(即係話球手在果度打係好着數既),第二種情况係”非嚴重犯例”,即該位置令球手冇乜着數既。

請看下圖:

rule-10球手在發球台開球一記打左落水(如上圖),本來球手應該在最後切入點既两支杆長内又不近于該切入點drop波繼續打球,(既“X” 點),但是很多球手在以上情况都會二話不説走去“Y” 點drop波繼續打球,這可能是因為“Y” 點十分接近水障礙區的邊緣及球手在“Y” 點很有可能一chip一putt救番個bogey。

亦有些球手會在fairway“Z” 點隨便抛球繼續打(相信是屬于少數),其實,“Z” 點及“Y” 點都屬于錯誤位置(wrong place),不過Y” 點係屬于”嚴重犯例”, 因為該位置令球手有“相當優勢”,而“Z” 點就屬于”非嚴重犯例”。

如果球手係打緊match play既話,無論佢在“Z” 點或“Y” 點錯誤位置打球都已經算係輸左個洞。

但如果球手係打緊stroke  play既話, 個ruling係咁既:

如果球手打球既錯誤位置係屬于”非嚴重犯例”(“Z” 點),佢打既波算係ball in play,球手可以如常的繼續完成該洞, 不過在錯誤位置打球要罰两杆。

如果球手打球既錯誤位置係屬于” 嚴重犯例”(“Y” 點),首先佢需要罰两杆,球手需要回去“X” 點drop波再打,如果佢在下一個Tee台開波前都冇咁做既話,sorry, 球手會被判予DQ極刑。

又或者球手在下一個Tee台開波前發覺自己有可能觸犯” 嚴重犯例” 既 話,佢可以declare自己打個second ball,番去正確位置,即“X” 點,drop波再打,直至完成該洞。球手并需要在递交scorecard之前向committee报告該情况,由committee決定該錯誤位置是否” 嚴重犯例”。如果佢冇咁做既話,當然又係判予DQ極刑啦。

如果committee判定該原來drop波位置是” 嚴重犯例”,咁球手就要用second ball既杆數加两杆罰杆,但如果committee判定該位置是” 非嚴重犯例”,球手就要算第一個波既杆數加两杆罰杆勒。

好多時大家去打比賽都會遇到一些自己不肯定個ruling又或者同對手判斷有出入既情况,在此等情况大家最好就係打個second ball,唔好同對手拗到面红耳赤,以免影響當時打球心情,(有D攻于心計既對手係故意同你争拗,影響你既打球心情,令你冇嗮composure),記住,有乜争拗,打個second ball先,打完番去先至同佢慢慢講故仔。

各位球手珍重!

高球BB