OB怎樣處理我相信大家都知道，如果球手打左個波去OB區，（OB界線係用白樁來界定），大家都知道要原地再打而打到唔OB為止。假設球手在tee 台打左個波去OB區，佢需要在tee 台原地再打（已經係第三杆）。 如果球手只是懷疑個波OB，咁佢就需要打個provisional ball。
咁點樣先至算係OB呢？當然，如果個波明顯在界內或界外，咁就冇乜爭議，但如果個波正好在界線上，咁就需要rules official 出手勒。
通常如果係一D大賽，賽會一定會用白色實線清楚界定OB區，條白線或白樁本身都屬于OB，個波是否OB既定義係一定要成個波都在OB區先至算係OB，即係話個波任何一部分在界內個波都唔算係OB。
睇一睇下圖就明！
你會發覺條“界”係由白樁既最“內”點既直線連成，呢條“界”係往上及下延伸，就好似一幅無形既牆一樣，而呢幅牆係冇厚度既，個波係一定要全個波都在呢幅牆既外面先至算係OB，仲有，支白樁不是movable obstruction 或 immovable obstruction，即係話就算支白樁阻住你打一個inbound既波，你都唔可以移開支白樁或引用immovable obstruction條例去免費drop 波。
如果平時你同球友打波，在此情況，你會用肉眼判斷大概個波是否OB，但如果在比賽既情而地上有冇白線定義OB界線，咁點搞呢？
Rules Official其中既一件“架生”就係一卷幼繩，呢卷幼繩其中一個作用就係用來于白樁之間拉直線以幫助判斷球是否OB。
球OB係一個懲罰性相當大既失誤，球手應盡量避免，不過有時球手越想避免OB而偏偏就打左個波去OB度，其中原因可能係球手給自己太多負面指令，例如叫自己“唔好slice”, “唔好打去左邊”，其實人腦係不善于接受負面指令既，球手應該將負面指令化成正面指令，例如“打直個波”，“打去大堂正中”，任何時候都應該保持正面既思想，咁就會減少失誤架勒。
各位球手珍重！
高球BB