新山
遊記

馬來西亞新山高爾夫試打遊記
The Els Club Desaru Coast
Horizon Hills Golf & Country Club

『十年人事幾翻身』,對上一次嚟過馬來西亞柔佛州的新山轉眼間已經10年,記得當時新山的環境雖然不錯亦都受到香港人嘅歡迎,但因為有個別球場保養及球場選擇不多,經過一輪熱潮之後慢慢淡化,直至最近收到風新山經過多年的發展,例如中國的巨型地產商碧桂園亦都進駐到新山還有【Legoland】,現時已煥然一新了。 加上有三個新球場其中兩個最新的由Ernie Els設計,另外一個由Vijay Singh設計而管理方面就交由國際名牌Troon Golf處理,再Check下由香港出發到星加坡的機票亦都非常合理,所以即刻去睇睇呢個十年未到的地方的最新發展,當日搭機去星加坡再轉往新山只需要半個鐘頭車其實就好似由我哋香港去深圳一樣,可以全程坐在車上不需要落車,行李同人一齊過關,去到新山之後發覺原來十年的轉變真是太巨大了,簡直一啲都唔認得。

以前同朋友去過的食街水準依然不錯,海鮮及本地食物都保持水準。跟住就向呢一個【The Els Club Desaru Coast】進發,其實Ernie Els的兩個球場離新山約四十多分鐘車程,好近一個新的度假區叫做Desaru,呢個區基本上係一個沙灘區附近環境不多,但將會在可見的將來會有多洞酒店包括威士汀、Hard Rock Hotel Desaru Coast、Aman Resorts & Villas同Anantara Desaru Resort而我今次揀選的是住在球場附近的【Sand and Sandas Resort】距離The Els Club Desaru Coast-Valley course只需要5分鐘車程,另外一個 27洞的Ocean course就要20分鐘車程。

The Els Club Desaru Coast - Ocean Course
翌日朝早起床就向球場出發,Ocean course由Ernie Els操刀設計,有27洞分為The Lakes、The Coast和The Ridge三個9洞。除咗Lakes比較平淡之外,另外兩個都比較精彩。Lakes水多但球道寬闊可以大大棍咁砌落去都冇問題,而The Coast和The Ridge就相對嚟講設計比較特別,保養方便亦都超水準,果嶺經常維持10度半推桿非常過癮,球會會所方面亦達國際級水平,值得向球友推介的就是他的學院【Els Performance Golf Academy】,學院內不但止設施齊備又有最新的教學設施,而且較為特別的是他擁有自己9洞的練習場,在這裏練球簡直無得頂。今日打得非常過癮一口氣打咗27個洞,之後身心疲累就返酒店休息,叉完電之後去咗Desaru小鎮尋找一啲地道美食唔講唔知原來新山都有好多華人居住,講廣東話、食廣東菜,都絕對冇問題簡直有他鄉遇故知的感覺非常有香港Feel。

The Els Club Desaru Coast - Valley Course
第日要挑戰呢個由Vijay Singh設計同Ernie Els合作的Valley course,呢個球場離Sand and Sandas Resort酒店5分鐘好快就到達,他擁有自己獨立的會所雖然冇Ocean course嗰個咁大及設施亦都冇咁多,但係都非常唔錯。 提一提大家嘅就係呢度嘅Silver Tee兩個球場都6,800幾碼,如果想打得好就要走去前面的Copper Tee,如果有挑戰性嘅就要真係試下呢個6,800碼Silver Tee嘅挑戰。 因為而家兩個球場啱啱開咗冇幾耐,球會暫時申請緊印尼球僮,需要時間約半年到9月才得到批准,所以現時是沒有球僮提供,但大家可以放心,球車在正常的情況之下可以直落球道,而球車亦配備最新嘅GPS系統 ,令你可以知道碼數距離,還有球車亦可直接發訊息叫飲品同食物,非常之貼心。打完呢個Valley course總結幾句就係非常之精彩係近期罕見的靚場,不但設計精彩果嶺草坪水準亦非常之有國際級水準,挑戰性、好玩程度絕對值得各球友過嚟試吓。

Horizon Hills Golf & Country Club
第四天起身就要出番去新山市區試打彼有盛名的【Horizon Hills Golf & Country Club】,球場離市區只有二十多分鐘車程,其實屬於一個超巨型的社區發展,附近亦都有不少洋房建於球道的兩旁,話雖如此但係建築物並不影響打球及觀景。而球場的設計亦是非常之精彩,【Horizon Hills Golf & Country Club】亦都曾多次奪得馬來西亞最佳球場設計獎之一。 球場球車不可以落球道,但就有球僮服務,所以值得一試。打完之後我哋亦都再回新山跟住就去試下最新嘅Shopping mall同埋Outlet,亦都估唔到在馬來西亞的Outlet mall亦有不少非常吸引的品牌及價錢亦都非常之優惠。有樣野亦不可不試是地道的肉骨茶,這裏的肉骨茶沒有吉隆坡那邊的濃味,是比較清淡對香港人嚟講,會較為合適值得一試。 來到第四日我們參觀了多個發展亦都去了碧桂園在這裡的巨型發展及Legoland參觀一下,如果經常去泰國打球的朋友,絕對可以試試嚟馬來西亞打球別有一番風味。 沿途我們亦都根據朋友嘅介紹參觀咗兩個唔錯嘅球場,其中一個叫做【Pulai Springs Resort】係由Robert Trent Jones Jr設計,由大師級操刀嘅球場大家唔需要擔心,可惜的是保養並未達到最佳水平但係絕對值得一試,而另外一個球場叫做【Palm Resort Golf and Country Club】,該俱樂部由Allamanda球場、Cempaka球場和Melati球場組成,名字來源於馬來西亞的花草樹木,如果有時間亦都可一試。

個人總結:【The Els Club Desaru Coast】兩個場同【Horizon Hills Golf & Country Club】肯定是新山的首選。

遨遊高爾夫之鄉