新翠谷球場 New Valley Course
個場之前由Jack Nicklaus設計,如大家睇過我之前的評論都知舊場大部份球道難度非常高,之後可能要配合興建好望角場所以要改,而今次就改為由Vijay Singh操刀設計,不過亦保留左四條舊球道,如冇記錯應該係1,2,17同18號同以前一樣,其它球道就係全新。
發覺Vijay Singh的設計在這裏有三個特點:一. 大部份球道唔係有沙池 - 係沙灘,二. 大部份果嶺有好多斜波及分高低層,最後係藍tee比較短只有6,143碼。
個場同好望角一樣都係屬新場 - 綠化及樹木等並未成熟。 個view需要一段時間先會靚D,我整體上都覺得個場既設計幾高難度,主要係多水同巨形沙池,大部份果嶺亦因為多斜度而增加難度,好在藍 tee只有6,143碼,否則一定有五隻辣椒。
雖然難度高少少,但我都幾enjoy個場的設計(因為比較特別及少同類design),個場內環境亦唔錯。