台灣交通四通八達係非常適合高球旅遊的地方。尤其是你地喜歡自由行打波或是跟007團的球友來講，這裡有非常多風格各異的靚球場，搭配豪華舒適的酒店，你一定唔可以錯過。為咗令007球友們更了解台灣的打球環境，我哋特意去台灣走一趟考察下。

出發當日我們坐下午班機，到左之後已經天黑，當然要揾一間又近又靚的酒店休息，富立登酒店就最啱了。酒店離機場只需要20分鐘夠晒方便。一樓有餐廳，可以嘗到台灣當地的美食。客房夠大夠舒適，樓下就有便利商店，各方面都唔錯。

第二朝吃過早餐後，開車30分鐘就到達林口地區Formosa First Country Club我們急不及待換件球衣就跑去 Palmer 場發球台開波，這球場共有36洞一個叫 Arnold 場另一個叫 Palmer 場是大師Arnold Palmer手筆，所以不可算簡單，聽球僮講頗多球友都把這裡作為訓練基地。因為這球場是要講求準繩度、距離與及策略三方面要兼顧，所以不是說你打得遠就可以有勢無恐呀！有點像國內鳳凰山球會同均安球會混合體的感覺總之初來報到要聽球僮指示方向打。

打完球之後就肯定要先選間靚酒店，晚上好好休息啦。近市中心當然首選華國酒店同君悅酒店。呢兩間酒店鄰近繁華的信義商圈，交通非常方便。客房同浴間大家睇圖喇，行足一天當然要泡番個熱水浴爽晒！中意美食的朋友可以到附近品嘗地道台灣名菜，體驗下“舌尖上的台灣”；有購物癮的就去旁邊的101大樓。

餘下時間我們向台中走，酒店首選永豐棧酒店，呢間五星酒店不但夠晒級數，而且附近又多購物區。酒店分A、B、C館；A館住客，客房夠大，非常舒適；B館有個海鮮餐廳，可以品嘗到各種海鮮；C館係養生館，有各種悠閒娛樂活動可以選擇，配套設施及服務可謂一流！附近就是逢甲夜市，此處美食堪稱全台第一！

第三天次場波係去南峰高爾夫球場。此球場幾乎每個洞都可以見到台中市，觀感非常好設計上草皮上我都十分滿意。不愧今年台灣最大業餘賽事“台灣總統杯”選係呢個球場舉行，大家來到台中的話，南峰球場一定唔可以錯過！

除左南峰外，我哋亦參觀咗另外三個球場，台中、台中國際及霧峰球場。下面等我逐一介紹，台中球場離機場比較近，約20分鐘車程，如果第一天有打球的行程就最適合安排係呢度打。球場難度適中，由日本名球場設計師渡邊弘手筆，加上視野廣闊，景色優美。

另一個台中國際球場景觀唔錯，周圍都係青蔥山景，感覺十分自然同悠閒；球道兩邊樹木都排成一列，球道左右狗腿起伏不定，頗有趣味。草皮保養雖然唔算得上特別好，但係亦有相當質素，絕對唔會令你失望。

霧峰球場依山傍水，可以遠眺著名的“九九峰”，景致當然優美。球場貫徹“環保”概念，各種水池、涼亭、沙坑搭配得十分漂亮冇得彈，唯一需要擔心的就係你的擊球準繩度；部份球道中間都會插上指示旗，增加不少視覺享受及擊球趣味。還值得一提的是，球場的涼亭可以食到台灣的本土聞名美食“割包”，配上香甜的紅豆粥，立即可以補充體力。

第四天早上向日月潭出發，日月潭風景迷人，景區內有各種悠閒活動，纜車等服務提供，加上醉人的風景，令人流連忘返。打完兩天波之後到此一遊，可讓身心忘盡疲勞係一個理想的選擇。 黃昏繼續向南走，晚上我入住台南桂田酒店離市區不遠，如果第二天有打球行程的話呢度就最岩，因為去球場會容易D。酒店不但客房夠質素，食野更係頂呱呱。

第五天在台南去咗南寶球場，酒店出發大約40分鐘車程。球場分為A、B、C三區共27洞，景觀優美；有以島嶼果嶺為特色的三桿洞，有特別的視覺美感。

除南寶球場外，台南球場亦都唔錯。球道非常寬闊，但從前九轉去後九，球道起伏轉折變大，變得更加有挑戰性。每個球道中間都會種一顆棕櫚樹作為特色，增加視覺美感。

第六天再向高雄出發，中途參觀咗信誼球場。呢個球場系屏東，距離高雄市區約一個小時。球場的草皮保養有水準，採用雙果嶺，交替使用，所以果嶺永遠保持系最佳狀態。

此外高雄的山湖觀球場非常值得介紹。會所可以透過落地窗見到球場的景觀，非常優美。會所好多佈置都係柚木傢俱或者木雕，非常有藝術觀賞性。會所有自己的客房，房間寬敞明亮，可以見到球場景色，加上樹木的清香，令人有回歸自然的感覺。

來到高雄梗係要住君鴻國際酒店系高雄市標誌之一，獨樹一幟，非常受歡迎。客房空間寬闊，裝橫豪華，居高臨下可以看到高雄的市景或海景，非常壯觀。呢度D海鮮一定唔可以錯過，味道特別鮮美。

最後一場波來到南台灣歷史最悠久嘅高雄球場。球場相當有挑戰性，球道長左右起伏多。離機場也只有30分鐘車程，相當便利。參觀完球場之後我哋趕下午機番香港。

總體來講台灣的球場質素都非常唔錯，加上各球會人員熱情的服務態度，打起來特別享受! 另外亦有好多靚酒店，便利的交通環境配合吸引人的台灣美食，可以認真考慮來台灣感受一下不一樣的打球旅程，相信一定可以令你滿意！