球手時常都會打個波入水障礙區，水障礙區有兩種，一種係water hazard,以黃樁識別， 另一種係lateral water hazard, 以紅樁識別。
先講以黃樁既水障礙區，假設球手在Tee台開球，懷疑打左個波落水障礙區度而你又 唔肯定果度有冇紅樁或黃樁? 你首先要做既係先打個provisional ball, 記住，凡係有懷疑果 度有冇樁 ，(如果去到果度冇樁咁點搞？又要番Tee台再打！！) 都先打定一個 provisional ball, 而且一定要向對手講呢個係 “provisional ball”同埋係幾多號波（當然provisional ball 既數同剛才個波既號數要唔一樣，如果唔係點令對手信服你邊個波係第一個波，邊個波係provisional ball）， 如果你唔講呢個係”provisional ball”?話，你呢個波，嚴格來講(即係話你講”打多個波先”， 或”打定個先啦”都唔係咁正確)，就係ball in play，(Sorry, 即係話你已經打左三杆！) 就算你去到水障礙區度找到原來個波而你又想打都冇用。如果你覺得可能原地再打比drop 波更好，你可以馬上在Tee台再打一個波而呢個波就是ball in play.
如果個波真係入左水障礙區果度，當然你可以o係個波所在位置照打可也（play as it lies）（高爾夫球既精神就係play as it lies），但係如果你不選擇play as it lies 既話, 首先你要揾出你個波最後入水既切入點（last point of entry）, 記住”last point of entry” 唔係個波落水果點，“last point of entry” 係你個波既飛行軌跡切入水障礙區邊界果點，你會話呢點好難準確地決定個o窩，冇错，呢點係好難準確地決定，總之高球係honesty game，憑良心去決定果點o係邊度， last point of entry定左之後，總括來講，你有以下幾個選擇：
- 如下圖示，你可以o係個波所在位置照打可也（play as it lies）(不用罰杆)。
- 你可以o係pin與last point of entry 既無限延長綫上drop波而drop波個位唔可以比last point of entry更近支旗杆，如果你選呢個選擇咁就梗係揾個四平八正既位drop啦！（罰一杆）
- 如果用（1）和（2）都揾唔到個好位打波或drop波，又或者根本drop唔到，（可能係大斜坡或深草），咁就對唔住呐，請你回去Tee台再打。（原地Tee台再打已經係第三杆！）
你可能會問，如果我個波先滴到水障礙區既對岸才滚落水，咁可不可以o係對岸drop波，嚴格來講，如果果個係黄樁既話，你都好難揾到一點又唔近過last point of entry 又打得到既地方，（除非水中間有個島又或這個水障礙區係彎月型），所以你最终都要原地再打或o係pin 與 last pint of entry 既無限延長綫上drop波再打。
如果個水障礙區係插红樁又點搞呢？Okay, 個波入左红樁，如果你覺得可能原地再打比drop波更着數，你可以馬上在Tee台再打一個波而呢個波就是ball in play.
如果係红樁既話，你會有多一D選擇：
- 如下圖示，你可以play as it lies。（不用罰杆）
- 你可以係last point of entry 两支杆長度内drop波而drop波個位唔可以比last point of entry 更近支旗杆。（罰一杆）
- 你可以o係pin與last point of entry 既無限延長綫上drop波而drop波個位唔可以比last point of entry更近支旗杆。（罰一杆）
- 你可以o係lateral water hazard 既對岸, 又與last point of entry 同等距離果點既两支杆長度内drop波再打。（罰一杆）
- 如果用（1）, （2），（3）和（4）都揾唔到個好位打波或drop波，又或者根本drop唔到，又係請你回去Tee台再打。（原地Tee台再打已經係第三杆！）
有幾點要提醒大家，如果你選擇在水障礙區内照打可也嘅話，你不可以ground club (ground club 嘅定義係用地面承托球杆嘅重量)，不可以移動D loose impediments, 亦都不可以得益于immovable obstruction果條例而免費drop波，但你可以移動D movable obstruction例如汽水罐，膠瓶等。
總括來講，入红樁既懲罰性較入黄樁嘅懲罰性爲少，當然唔入水就最好啦，即使入咗水都要知道所有嘅選擇，揾一個最有利自己嘅選擇繼續打落去，忘記過去，專心打好下一球。
各位球手珍重！
高球BB