我相信很多球手都遇過球落在冇辦法打的地方而果度又冇樁既情況，例如深草區，矮樹叢等。其實，個波唔需要真係在一個打唔到既地方你先至可以利用BallUnplayable 呢條例去take relief。無論任何時候，個波o係球場任何地方（除左水障礙區），球手都可以應用Ball Unplayable 呢條例。即係話就算個波o係個四平八正既地方你都可以話佢係Ball Unplayable （不過我就睇唔到點解要咁做，除非因為一D特別原因你需要加多幾杆！）。
如下圖，球手開左個波落深草區而果度係好難打既，你有以下既選擇：
1．你可以play as it lies（不用罰杆）。
2．你可以o係波位既兩支杆長度內drop波而drop波個位唔可以比個波位更近旗杆(要罰一杆)，不過如果個波在沙池里面，個波就一定要在沙池里面drop。
3．你可以o係pin與波位既無限延長線上drop波而drop波個位唔可以比個波位更近旗杆（要罰一杆），，如果個波在沙池里面，個波亦都要在沙池里面drop。
4．如果用（1）, （2）和（3）都找唔到個好位打波或drop波，就請你回去Tee台再打。（原地Tee台再打已經係第三杆！）。
在以上呢個例子，你時常見D球手都會應用“Ball Unplayable” 罰一杆而二話不說地在深草附近既球道drop波，又冇度下drop波是否在兩支杆長內，其實咁係唔係咁o岩既！罰左杆唔代表可以脫離困境既。
用番上面既例，球手開左個波落深草區，佢驚住唔到找個波而開多個provisional ball(記住要講呢個係 “provisional ball”同埋係幾多號波)，而個provisional ball就開得鬼咁靚，球手去到深草區，找到個波但發覺個波位好難打，無論play as it lies，兩支杆長內drop波，或無限延長線drop波都唔係咁掂，在此情況，究竟可否引用“ball unplayable”罰一杆而去打果個provisional ball呢？
答案係“唔可以！！”
因為一旦你在深草區找得到原來個波，個 provisional ball已經係無效，你原來個波仍然係ball in play，如果你發覺play as it lies，兩支杆長內drop波，或無限延長上drop波都唔掂既話，咁就對唔住，請你回去Tee台再打，再打亦未必比剛才個provisional ball打得好。
你可能會問，“咁我找唔到個波仲好過找到個波？？”
係呀！有時真係找唔到個波仲好過找到個波架！所以，作為一個醒目既球手，在咁既情況，如果你覺得找到個波可能仲大鑊既話，咁就唔好勉強再找啦！當然，如果你真係找到個波，你亦都唔可以唔認佢，否則構成失格行為。
各位球手珍重！
高球BB