好多時大家都會試過打左個波落D不可移動既障礙物（immovable obstruction）或Casual Water 或GUR度，例如高球車徑（cart path）或水渠蓋等，根據球例，球手要在Nearest point of relief 既一支球杆内又不近過原來個球位既地方免費drop 波，喂大佬！呢D immovable obstructions或Casual Water 或GUR 可以有不同型狀，周圍環境，狀况等都不同，究竟邊度先至係“Nearest point of relief”呀??
在此情况下，好多球手都會執起個波，在附近找個四平八正既位免費drop 波，其實咁樣係唔係咁正確既。
原來，Nearest point of relief 係一個好“孤寒”既位，顧名思義，Nearest point of relief 其實係一個最近而又令你“脱離困境”既一點，我要强調“最近”呢個條件，而“脱離困境”即係話球手可以full swing又唔受到果個障礙物阻住，請看下圖 ：
球手打左波落個長方型既水渠蓋度，嚴格來講，球手應該憑判斷試找出一個可以full swing又唔受到果個障礙物阻住既位，球手可以在上圖既“A” 位度take stance, ground club，然後mark左個波位，咁呢點就係其中一個point of relief, 如事者試下個“B” 位，又試下個“C” 位。
拿，宜家你有好幾個points of relief，然後你要看看那一個point of relief係最近原來個球位既，如上圖，你會發覺原來個“C” 位先至係最近原來個波位，咁“C” 位呢一點就係“Nearest Point of Relief”呐，然後再在一支球杆内又不近過原來個球位既地方免費drop 波（上圖既灰色地方）。
所以無論個immovable obstructions或Casual Water 或GUR 係什麽型狀都可以用呢個方法找個Nearest Point of Relief 出來, 而且你會發覺呢個“Nearest Point of Relief”係好鬼“孤寒”既。
你可能會問如果果個“Nearest Point of Relief” o係在一個好叉難打既地方如深草，大斜波或跟本打唔到而果度又没有樁，咁點搞？？
嚴格來講，呢個immovable obstruction 既免費drop 波係比你脱離個immovable obstruction既“人為“困境，無話比你脱離深草，大斜波等既天然困境，所以對唔住呐，你一係就照o係果度 drop 波，一係就o係immovable obstruction果度照打（如cart path），再唔係就 take “ball unplayable”（但係要罰一杆）, 再唔掂呢就要回原地再打（原地再打已經係第三杆！）。
我想很多球友都試過打左個波落個 cart path 上，咁個波在cart path的左邊或右邊有冇闗係呢？根據上面所講的概念，你一樣要應用上述的方法去找出個Nearest point of relief在那里，咁好多時D cart path 都係一邊係斜坡，一邊係好地方，大部分球手都會二話不説地將個波drop 在好地方的那一邊，咁係唔係咁o岩既！
在比賽尤其是 match play，好多時候你D對手在那里drop波（四平八正抑或係大爛地/大斜坡/深草）都會直接影嚮該洞的勝負，而一洞的勝負對大局可能有闗鍵的作用，如果大家懂得Nearest Point of Relief 的概念，你可以“幫助”一下你的對手在正確的位置drop 波，從而大家都在公平的環境下兢争，當然自己亦都唔好“知法犯法”，做個有誠信既高爾夫球手。
各位球手珍重！
高球BB