ENGLISH | 訂場熱線: 2137 2007 / 2137 2000 / 4007 007 148

球僮的故事

caddy1我打波多年,好嘅球僮見過好多但很差的亦試過唔少,能否享受一場好的一場高爾夫球,球僮的好壞有好大影响。部份球會根據球僮經驗分兩甚至三種等級別,多數分為 A, B或C級。

A級球僮 ‘通常’ 對球場最熟悉,佢地話點打、用什麼球桿、果嶺推桿路線等等,理論上完全唔使你用腦都得!

B級就冇咁有經驗但多數都有唔錯嘅表現。至於C 級球僮,多數係新仔或新女,你只能夠期待佢幫你咩球袋同唔好對佢有太多要求同問題,費事佢唔識,棧大家冇癮 !

caddy2話需如此,我地當然希望佢地可以做到下列的工作 :

  • 對場地、果嶺及球例有一定認識,提供準確打球路線,距離。
  • 修補你打球後損壞的草皮及沙池腳印。
  • 幫你上山下河,找回差不多你(最好仲有其他人)打失的球。
  • 帶備有太陽傘在天晴及下雨天時俾你用。
  • 每次打完一球都將球桿清潔一下。
  • 最後及最重要的當然是能夠在你打完一個很差的球時候,能夠用最適當及關心的態度安慰你。(最好仲作埋個故仔話佢地個 club pro 都係呢個洞都係打到Double Bogey!)

其實球會要非常注意球僮質素及服務水準,因為佢地同個客一齊幾個小時,如服務唔好就會得失D客人,希望各球會加強培訓及保持一定的高水平。

另外007有時同外國朋友在打波時,佢地都同我投訴話D球僮冇提供到打波距離,呢個當然喇,佢地有時連廣東話都聽唔掂,何況係英文!

我建議球會抽少少時間教下佢地一D簡單英文,例如距離,打左面或右面,前面有水或沙池諸如此類,唔使D客自己週圍搵距離指示牌。甚至可以考慮俾張紙同筆佢地寫低個距離等D鬼佬或外國人唔使估估下,至於佢地打唔打到去係另一件事。

*最近收過讀者e-mail問我應該給多少貼士$(打賞)球僮,其實冇乜標準,你如果多錢可以俾多D,但如果你好似我咁 – 都有負資產的話就比少D囉。

視乎服務水平,國內通常我多數會俾$50-100人民幣個球僮,在香港則因為消費高多數會俾$100 – 120港幣。

不過有一次在中山打波,個球僮D服務好都飛起(做足我上面所講),場波我又打幾滿意心情特別靚,醒佢$200人民幣佢,冇所謂喇最緊要大家happy。 點知後來我個波友好嚴肅咁同我講,話以前後唔好俾咁多錢球僮,因為我會做壞規矩令佢地以後如果俾得少會尷尬咁話喎。唉 !真係好人難做。