[myvong]

myvong on 2018-01-21 21:36:16 #73211

本人本身住係屯門,平時去開屯門政府個練習場(新手),政府球場好處係平一個鐘都係四十幾,但係成日爆場,去過白石園藝,但係地方遠而且個別場質素參差,之前聽球友講天水圍都新開左個練習場,佢地去完返黎都話好,戶外場地,屯門揸車都係半個鐘車程,今日終於親身去試場.
去到球場果陣下午3點幾,因為戶外場,感覺比政府場寬闊,怕曬都有傘可以擋太陽,聽球場職員講球道有200米,練開球都可以,好彩有球友提醒帶齊套桿.近排天氣涼爽,打陣波出D汗零舍舒服,一開始預打一個鐘,結果加時,打左2個鐘,黎同走果陣職員都有打招呼,主動介紹個球場,服務周到,下次都會再黎過

回覆

[Carmen]

Carmen on 2018-03-14 23:26:42 #74545

我都有去過呢個新driving range, 啲服務真係幾好，雖然要行3層樓梯上去，但個view真係無得頂，夠哂開揚。最重要係可以專心打波，其它場成日都聽到好多人係度吹水，想靜靜地打吓波都唔得。雖然之前都有好多新聞關於呢個場，話呢個場係泥頭堆出黎又話唔合法，其實呢個場嘅環境真係好好，如果唔合法，一早已經俾政府封左喇。香港人講野真係要有證據先好講，香港嘅高爾夫球練習場已經唔多，如果我地打golf嘅都唔支持高爾夫球場嘅發展，過多幾年就會剩係得返2個政府場而已。

回覆

[Stephen]

Stephen on 2018-03-17 19:23:02 #74589

近排我都有聽球友們介紹天水圍個GOLF場，話收費平、免費泊車，個VIEW又唔錯。好似幾有吸引力，我今日終於自己去一趟，球道同個場都OK，不過戶外場設施就要再增添多啲。

回覆

[alan]

alan on 2018-03-18 14:38:12 #74597

天水圍個球場我都有去開,個場好似開左唔算好耐,設備OK,價錢公道,而家打golf場地選擇都唔多,尼個係個人覺得幾好ge球場

回覆

[Ming]

Ming on 2018-03-20 21:33:14 #74653

見到您地介紹得幾好，我打算今個星期六去試吓，試完返黎再同大家分享吓。

回覆