個場係由LPGA No.1球手亦曾經打過59桿既Annika Sorenstam既作品，有機會梗係 "渣渣林" 去試打，睇下佢乜料。其它資料可以望下在Olazabal場寫既簡介。

其實個場既同Olazabal差唔多都一樣係山場，環繞多個山頭，D球道就在裏面左穿右插，上上落落，不過碼數就短得多(藍Tee長度只有5,860碼，金tee亦只有6,129碼) ，其它既設計就睇唔到就同Olazabal個場有太大分
別........

全場最靚既球道係位於山頂既#7par 3 signature hole.

相當唔錯，球道同果嶺一樣咁Fit！

球僮由舊場派過黎，服務OK，場地認識就要等多幾個月。

個場因為碼數比較短，亦冇乜水影響，球場主要特色亦同Olazabal差不多 - 在於又密又巨型既沙池，好在大部份球道都算幾寬闊，亦冇乜OB樁(不過長草區有好多石仔，如唔 declare unplayable照打，分分鍾會打斷枝桿)，難度唔算高。

個場雖然有幾個較短既4同5桿洞 - 只有290碼同460多碼，想one or two on都要打得幾好同準先掂，因為大部份果嶺都被D沙池保護住(亦由於D沙池係新鋪，比較鬆散，所以一入就可能會係buried，好難攪架)。

仲有個球場有樣幾罕有既設計 - 佢就係兩個par 3 (#7同#8)同兩個par 5(#13同#14)連住，不過我覺得將兩個par 3放埋一齊可能會拖慢打波速度，希望球會注意。

諗諗下呢個場破左我既兩次記錄：1. 第一次打由女仔設計既球場，2. 未打過咁短既藍 tee (仲短過名商)。

不過呢處個design都算多變化，所以打落都覺得幾好玩，如打得穩陣同保守D應該可以有唔錯既成績。 1/04年