呢個場係觀瀾在塘夏五個新場其中一個，由前世界排名第一球手David Duval設計。

東莞場的巨型會所在06年尾終於起好，毋論面積及設備都屬於加加大碼，建築質素亦一流， 入左去分分鐘會迷失方向！而員工服務質素唔錯，有中上水平。

如大家有睇過我之前寫的觀灡評論都會知道幾個新場都建於山中，球場設計大致上非常類似.....幾個新場都係上上落落，Dogleg球道亦多所以在tee臺開波時有部份會望唔到個green。由於球道變化多，所以打落都有一定的趣味性而環境及設計就同其它東莞場差不多大同小異(除左Norman場)。

另外個場唔知點解好多dogleg right, 識打fade波就fit哂。

球道同果嶺在打波期間有小小黃，不過並不影響打波。

球僮開始對場地熟習，服務亦唔錯。

個場的藍tee只有6,088碼....屬偏短，加上大部份球道都'算'forgiving、沙池及水障礙亦唔算太難攪同冇乜太大的飛水過山等高難度動作，除非你打波亂咁飛，否則打爆機會不多，個場打落幾多變化亦幾好玩，除左個高難度的#18洞之外球場整體難度不高。2/07