一直都好有興趣去俄羅斯打波，終於今次有機會去走一轉同寫番個莫斯科同埋聖彼得堡遊記俾大家，第一日乘坐Aeroflot俄羅斯航空公司，直航時間大約係九個半至十個鐘頭到達莫斯科，辦理完入境手續之後俄羅斯地接方面安排乘坐火車入市中心，因為星期五交通非常繁忙，從機場入市中心分分鐘要兩個鐘頭，所以就改咗坐火車，入到市中心入住五星級的【Lotte Hotel Moscow】呢間酒店係由韓國公司擁有同管理的，酒店側邊有一條好長食街，主要食啲漢堡包或者食水煙同酒吧嘅地方，因為第一日到達後都比較攰呀就食咗少少嘢之後，就返酒店休息準備第二日嘅行程。

第二天早餐後，主要觀光重點行程是紅場【Red square】，它位於俄羅斯首都莫斯科中央行政區特維爾區的公眾廣場，為世界文化遺產之一。周圍有幾處世界著名建築，包括列寧墓、聖瓦西里大教堂和克里姆林宮。

之後再觀光克里姆林宮【Moscow Kremlin】是位於俄羅斯聯邦政府行政總部所在地及四周由宮牆圍四座宮殿、四座大教堂、十九座塔樓而成，同時也是俄羅斯總統辦公地方，可惜今次嚟有修建工程只可遠觀比較失望，下次一定再來參觀，好好欣賞一下。

黃昏之後再乘豪華遊船遊覽莫斯科河，在河上不同的角度觀看克林姆林宮、瓦西里升天大教堂、基督救世主大教堂、彼得一世雕像等美麗景色都是不錯的選擇。

第三天走出莫斯科中心，向市郊球場叫Forest Hills Golf Club進發，球場設計都好特別以Links style為主，但建於森林裏面古樹参天上上落落感覺比較奇怪但又很有趣，加上保養不錯還有很多Dog leg盲點而果嶺面積超大，地方不錯而我還在這裡往兩三個晚上，但房間就比較簡約，晚上球會還安排民族表演唱下當地山歌給大家看，如下次有團前來也可安排表演下。

第四天要打的球場號稱莫斯科最Top的Golf and Yacht Club Pestovo是一個會員專屬球場，據朋友講是不接待非會員，可能佢有特別關係就安排我們打這個場，球場2007年正式開業，距離莫斯科北部28公里。會所外型是歐洲式古堡裝修建築，球場主要為平地同湖邊球道都相當濶，比起Forest Hills 好大分別，難度方面主要是打什麼Tee開波基本不是太難，打完波後吃些東西，就回程參觀Forest Hills 附近一個Monastery地方都不錯，晚上還安排歌星同鼓手表演，特別女歌星自己作典作詞感覺超靚。

第五天去試Links National Golf Club離開Forest Hills只20多分鐘車程，顧名思義這個是Links設計球場，一入會所遠眺球場沙池同長草跟蘇格蘭愛爾蘭球場一樣！只不過不在海邊打而兩邊是小樹林，如果第一次嚟打唔熟場難度都幾高，D左右狗腿沙池位都好刁鑽下真要睇清楚先落桿，個球場都好值得來試一下，試場之後再和當地朋友開個會商談日後籌備高球團前來。

第六天今天行程就是由莫斯科坐內陸機去聖彼得堡，航程大約個多小時，飛到聖彼得堡後我們就直去球場，球場叫Peterhof Golf Club，是大白鯊Greg Norman手筆，會所設計不錯雖然細細地但設施齊備，球場屬於平地Links設計比早兩天打個Links National Golf Club 濶些少同短D比較好打，可惜因時間關係我們只打9個洞，跟手入住聖彼得堡市第一間酒店，開業於1875年名為Belmond Grand Hotel Europe酒店，內部裝飾極為豪華，是19世紀歐洲最高級的酒店之一。又到醫肚時問，酒店每星期有兩場Show有歌劇及芭蕾舞或古典音樂表演，收費大約在60-80歐元又有表演睇又有飯開都是唔錯的選擇，門票都常爆滿，一定要提早預訂!

來到最後兩天，我們在聖彼得堡朝早起床，先來一個City walking tour周圍行下景色尚算可以，當然比起意大利同布拉格都相差一截。行完之後我們選擇去坐船，沿着條河去左個叫聖彼得堡夏宮及花園，近Peterhof區是以前皇室住過及招待客人地方，宮殿前有一長階，下有噴水池一共有8個噴泉，兩邊的花園裝飾得非常美麗。

跟著到附近一個新球場叫Strawberry Fields Golf Club開業於2017，以前是種士多啤梨的農場，球場是Parkland style但長度就較短，會所也可以但球道保養同之前的幾個球場差。到回程順路參觀一間準五星級酒店叫Hotel Indigo St. Petersburg，酒店大堂比較細外，房間也不錯。

今天是最後一天回程香港，在俄羅斯雖然只有7天的時間 但都很充實，球場比想像中好得多，簡直有驚喜！絕對值得去玩下。

俄羅斯旅遊小貼士

天氣 ； 俄羅斯位於歐亞大陸的北部大部分地區，天氣常有變化，夏季溫和，冬季寒冷，因此出發前請再確認天氣
電壓 ： 與香港相同，電壓為 220 伏特，但所用的是「兩腳幼身圓插頭」。
貨幣 ： 港幣在俄羅斯並不通用，100港幣換815俄羅斯盧布
時差 ： 全年比香港慢 5 小時。